Përfaqësuesi special i Bashkimit Europian për dialogun Kosovë-Serbi, Miroslav Lajçak u takua në Beograd me presidentin serb, Aleksandar Vuçiq.

Lajçak përmes Twitterit tha se me të pati një “diskutim të hapur dhe serioz”.

“Në Beograd sot vazhdova diskutimin tim të hapur dhe serioz me presidentin e Serbisë, Aleksandar Vuçiqn rrugën përpara për normalizimin e marrëdhënieve”, shkroi ai.

Lajçak tha se energjia dhe targat ishin kryetemat që u diskutuan.

“Energjia dhe targat ishin lart në axhendën tonë pasi nevojiten urgjentisht zgjidhje”, shkroi Lajçak, duke shtuar se për ca detaje ka folur edhe me kryenegociatorin serb, Petar Petkoviq.

In Belgrade today, I continued my open and serious discussion with @predsednikrs @avucic on the way forward on normalisation of relations. Energy and licence plates were high on our agenda as solutions are urgently needed. I also followed up on current issues with @PetkovicPetar. pic.twitter.com/3YUdL1jTUo

— Miroslav Lajčák (@MiroslavLajcak) October 17, 2022