Procesi mësimor ka filluar sot në të gjitha nivelet e arsimit në Kosovë, pas një muaji grevë nga SBASHK-u.

E në kuadër të kësaj, Policia e Kosovës ka dalë me një apel për të gjithë shoferët nga të cilët ka kërkuar që të kenë kujdes të shtuar gjatë vozitjes.

“Ngadalësoni shpejtësinë e lëvizjes gjatë ngasjes së mjetit në zonën e shkollës”, thuhet në apelin e policisë.

Tutje policia ka theksuar se siguria rrugore është përgjegjësi për të gjithë.

Ndryshe, greva në arsim kishte nisur më 25 gusht, me kërkesat për 100 euro shtesë deri në hyrjen fuqi të ligjit të pagave, gjë e cila është hedhur poshtë nga Qeveria, e cila ka ofruar një zgjidhje prej 50 eurosh, me premtimin se një gjë e tillë do të shikohet të vazhdojë edhe vitin e ardhshëm në varësi të shkallës së inflacionit./arbresh.info/