Ofruesi i energjisë bërthamore të Ukrainës ka akuzuar Rusinë për kidnapim të drejtorit të përgjithshëm të termocentralit më të madh bërthamor në Evropë, Ihor Murashov.

Forcat ruse kapën drejtorin e përgjithshëm të termocentralit bërthamor Zaporizhzhia, rreth orës 16:00 të së premtes, tha kompania shtetërore bërthamore ukrainase, Energoatom, raporton Independent.

Energoatom tha se trupat ruse ndaluan makinën e Murashovit, ia lidhën sytë dhe e çuan në një vend të panjohur.

“Ndalimi i tij nga Rusia rrezikon sigurinë e Ukrainës dhe termocentralit më të madh bërthamor në Evropë”, tha presidenti i Energoatom, Petro Kotin.

Kotin kërkoi nga Rusia lirimin e menjëhershëm të Murashov.

Reaktori i fundit i uzinës u mbyll në shtator mes bombardimeve të vazhdueshme pranë objektit. /arbresh.info/