Kryetarja e Komisionit për Edukimin dhe Arsimin në Shqipëri, Flutura Açka duke folur në mbledhjen e sotme ka sugjeruar futjen e detyrueshme të notit dhe  çiklizmit në shkolla.

Për shkak të emigrimit, deklaroi Açka këtë vit kemi 33 klasa më pak e dy shkolla të mbyllura.

Ajo shtoi se në 5 vitet fundit kemi humbur rreth 58 mijë nxënës dhe çdo vit kemi humbur rreth 8500 nxënës në vit nga emigrimi.

“Një nga çështjet është edhe sugjerimi i disiplinave të reja të shkolla, futja e detyrueshme të notit dhe e çiklizmit, pasi nisur nga përvoja e plazheve shqiptare të mbytjeve të shpeshta të fëmijëve, apo e disiplinave që i shërbejnë integrimit me europën, programeve kundër racizmit, fanatizmit dhe radikalizmit dhe veçmas kujdesi i shtuar për fëmijët me aftësi ndryshe, për t’u përafruar me standardet europiane.” ka thënë Açka. /abcnews.al/