Rusia, pas sulmeve të kryera në Krime, ka vendosur të tërheqë avionët e saj luftarakë duke cituar një raport sekret të NATO -s që i ra në duart e saj.

Sipas raportit të NATO-s, Rusia tashmë ka tërhequr 10 avionë luftarakë nga Krimea. Sipas faqes së internetit, gjashtë avionë luftarakë SU-35C dhe katër MIIG-31BM u tërhoqën nga gadishulli.

“Dronët ukrainas janë të vështirë për tu identifikuar si objektiva për sistemet ruse të mbrojtjes ajrore”, thuhet në raport.

Në të njëjtën kohë, Rusia ka rritur numrin e raketave taktike tokë-ajër që ka në gadishull për të zmbrapsur sulmet e mundshme të mëvonshme me dron nga Ukraina.

Më 18 gusht, banorët vendas raportuan se kishin dëgjuar shpërthime në qytetin e Kerçit dhe afër aeroportit Belbek në Sevastopol.

Më 20 gusht, një avion pa pilot sulmoi selinë e Flotës së Detit të Zi në Sevastopol. Avioni pa pilot “ra në çati dhe mori flakë”, tha guvernatori i rajonit, Mikhail Razvozayev./dita/