Në konferencën vjetorë të organizuar nga zyra e prokurorit të shtetit, Aleksander Lumezi në fjalën e tij hyrëse përmendi të arriturat e këshillit prokurorial. Ai gjithashtu bëri thirrje për bashkëpunim në mes prokurorëve për zgjidhjen e lëndëve.

Lumezi kërkoi angazhim nga të gjithë prokurorët në mënyrë që të forcohet autoriteti dhe personaliteti, duke ia kthyer besimin qytetarëve në drejtësi.

“Ne e kemi rastin të bëhemi heronj të këtij vendi, duke marr vendime dhe hetime të pavarura me qëllim që asnjë fajtor të mos shpëtojë nga dënimi i mëritura”, ka thënë ai.

Ndër të tjera ai njoftoi se në këtë konferencë do të përzgjedhjen e anëtarëve të KPK nga radhët e prokurorëve të Prokurorisë themelorë sipas ligjit të ri që hyn në fuqi në Janar 2016.

Në këtë konferencë mori pjesë edhe e para e vendit e cila tha se duhet të gjithë të ulemi  dhe të gjejmë zgjidhje sepse shtetin nuk mund ta rrënojmë.

“Duhet ta kthejmë besimin e qytetarëve tek organet e drejtësisë dhe bie barra mbi ju që jeni njerëzit e parë të drejtësisë, andaj të bashkëpunojmë për një gjë të tillë”, tha Jahjaga.

E Ministri i drejtësisë Hajredin Kuci tha se luftimi i dukurive negative është kusht që Kosova ta luftoj për të hyrë në rendin e shteteve të sigurta demokratike.

“Njerëzit e drejtësisë i përligjin synimet për një shtet demokratikë. Andaj duhet ta forcojmë punën që bëhet në sistemin e drejtësisë. Na duhet shumë punë që sistemi i drejtësisë të funksionoj i plotë ashtu edhe siç thirret sistem i drejtësisë”./Arbresh.info