Ministri i Mbrojtjes së Letonisë, Artis Pabriks, përmes një postimi në Twitter ka thënë se është në komunikim me ushtarët e kontingjentit të Letonisë në Kosovë, duke potencuar se nuk ka asnjë devijim nga dita e zakonshme e punës së tyre.

“Jam në komunikim me ushtarët e kontingjentit të Letonisë në Kosovë. Nuk ka asnjë devijim nga dita e zakonshme e punës në punën e tyre, as në këto ditë dhe as në orët e fundit. Gjithçka është e qetë, kontingjenti po punon sipas planit. Faleminderit atyre për shërbimin e shkëlqyer dhe krijimin e një imazhi të shkëlqyer të Letonisë!”, ka shkruar Pabriks.

Komentet e Pabriks vijnë pas tensioneve në zhvillim në veri, ku serbët lokalë kanë shtënë me armë zjarri drejt policisë, si dhe kanë sulmuar dhe maltretuar qytetarët shqiptarë atje./arbresh.info/

Esmu saziņā ar Latvijas kontingenta karavīriem Kosovā. Viņu darbā ne šajās dienās, ne pēdējās stundās nav nekādas novirzes no ierastās darba dienas. Viss mierīgi, kontingents strādā saskaņā ar plānu. Paldies viņiem par lielisko dienestu un lielisku Latvijas tēla veidošanu!

— Artis Pabriks (@Pabriks) July 31, 2022