Ukraina nuk i ka humbur shpresat se eksporti i grurit të saj mund të rinisë, teksa vetëm një ditë më parë Rusia sulmoi portin e Odesës.

Sipas zyrtarëve të vendit puna përgatitore për nisjen e këtyre eksporteve vijon pasi fatmirësisht nga sulmi zona e depozitimit të grurit nuk u dëmtua. Këtë të dielë Rusia ka thënë se sulmi synonte një luftanije ukrainase dhe një depo Armësh në Odesa.

Presidenti i vendit Volodymir Zelensky e cilësoi veprimin e Moskës si barbarizëm dhe u shpreh se një vendi si një Rusia nuk mund t’i besohej zbatimi i marrëveshjes që u firmos në Stamboll.

Lufta në Ukrainë hyn sot në muajin e saj të gjashtë dhe Kremlini duket se nuk ka ndërmend të ndalet. Pasi mori nën kontroll lindjen e Ukrainës, intensifikimi i sulmit vijon.

Në Harkiv, qytetin e dytë më të madh në Ukrainë banorëve iu është kërkuar shmangia e lëvizjeve dhe përdorimit të makinave pasi mund të bëhen lehtësisht shënjestër e sulmit ndaj civilëve nga forcat ruse.

Sipas Organizatës së Kombeve të Bashkuara që prej nisjes së luftës në Ukrainë janë shënuar 5110 viktima ku mes tytre 41 fëmijë./klan.al/