SHBA thotë se Rusia është duke planifikuar të aneksojë më shumë territor ukrainas duke përdorur një “lojë të ngjajshme” sikurse me Krimenë.

Duke cituar inteligjencën amerikane, zëdhënësi i Këshillit të Sigurisë Kombëtare, John Kirby, tha se Rusia tashmë po hedh bazat për aneksimin, trasnemton portal arbresh.info

Rajonet e pushtuara të Ukrainës mund të mbajnë referendume “të rreme” për bashkimin me Rusinë që në shtator, tha ai.

Rusia aneksoi Krimenë nga Ukraina në vitin 2014 pas një referendumi i cili u konsiderua gjerësisht si i paligjshëm.

“Ne duam t’ia bëjmë të qartë popullit amerikan,” u tha Kirby gazetarëve, “se askush nuk mashtrohet nga ai ( Vladimir Putin) që po heq pluhurin nga lojërat e vitit 2014”.

Ai akuzoi Rusinë për instalimin e zyrtarëve të paligjshëm pro-rusë për të drejtuar rajonet e pushtuara të Ukrainës, me qëllim organizimin e referendumeve për t’u bërë pjesë e Rusisë.

Krimea u aneksua nga Rusia në vitin 2014 pas një referendumi të organizuar me shpejtësi dhe është konsideruar i paligjshëm nga komuniteti ndërkombëtar.

Kirby tha se ai po “ekspozonte” planet ruse “kështu që bota e di se çdo aneksim i supozuar është i paramenduar dhe i paligjshëm, ndërsa premtoi për një përgjigjje të shpejtë nga SHBA-të dhe aleatët e saj./arbresh.info/