Një person e ther vetën me thikë para Qeverisë, policia jep detajet

15:51 | 11 Korrik 2022
A. B.

Një person dyshohet se ka therur veten me thikë në sheshin “Skënderbeu” në Prishtinë.

Lajmin për arbresh.info e ka konfirmuar zëdhënësi i Policisë, Daut Hoxha i cili tha se pasi njësitë policore kanë dalë në vendin e ngjarjes, është njoftuar edhe ndihma e shpejtë.

“Rreth orës 14:35, Policia e Kosovës ka pranuar informatën lidhur me prezencën e një personi me thikë në dorë te sheshi “Skënderbeu” në Prishtinë. Menjëherë janë njoftuar dhe angazhuar njësitet relevante policore, të cilat kanë reaguar me shpejtësi në vendin e ngjarjes. Sipas informacioneve fillestare dyshohet se personi i dyshuar ka lënduar vetveten me një mjet të mprehtë (thikë)”, deklaroi Hoxha.

Ai nuk bëri të ditur për gjendjen shëndetësore të viktimës. /arbresh.info/