Është hedhur gaz lotsjellës në oborrin e Kuvendit të Kosovës, pasi veteranët e Ushtrisë Çlirimtare të Kosovës ja mësynë hyrjes së Kuvendit.

Ata janë ndaluar nga Njësitet e Specializuara të Kuvendit të Kosovës. Sipas policisë, gazi është hedhur nga ana e protestuesve.

Ushtruesi i detyrës së kryetarit të Organizatave të Veteranëve të Luftës së Ushtrisë Çlirimtare të Kosovës, Faton Klinaku, thotë se duan rritjen e pensionit prej 170 eurove.

“Ja kemi shprehur shqetësimet për ndryshimet që duan t’i bëjnë pa neve.  Po protestojmë kundër diskriminimit. Deputetët nuk duhet t’i shërbejnë interesave të politikës ditore”, deklaron Klinaku gjatë protestës, raporton arbresh.info.

Ai thotë se nuk do të ndalin protestat deri në realizimin e kërkesave të tyre.

Ata kërkojnë nga deputetët të përfshihen në Ligjin për rritjen e pagës minimale./arbresh.info/

Veteranët e UÇK’së: Ndryshimet po i bëjnë pa neve, deputetët nuk duhet t’i shërbejnë interesave të politikës ditore