Një zjarr në pyll ka përfshirë një zonë pranë Athinës dhe ka dëmtuar shtëpi dhe makina, thanë zjarrfikësit.

Zjarri i përhapur me shpejtësi në shpatet e malit Himetus, ka detyruar qytetarët që të largohen nga shtëpitë e tyre, transmeton portal arbresh.info

Si masë paraprake, mbrojtja civile evakuoi pjesë të rajoneve të Voula dhe Glyfada, rreth 20 kilometra nga Athina qendrore. Një dëshmitar okular i Reuters tha se ai pa të paktën dy shtëpi të dëmtuara rëndë nga zjarri.

“Për shkak të erës së fortë veriore, zjarri po përhapet me shpejtësi dhe po i afrohet qytetit”, tha zëdhënësi i zjarrfikësve Janis Artopios. “I bëjmë thirrje qytetarëve që të jenë shumë të kujdesshëm”, shtoi ai.

Më shumë se 130 zjarrfikës me ndihmën e 6 kanardave dhe 4 helikopterëve hodhën tonelata ujë në përpjekje për të shuar zjarrin. Zjarret e shumta pyjore shkatërruan rreth 300,000 hektarë pyje dhe makia në pjesë të ndryshme të Greqisë vitin e kaluar, për shkak të thatësirës më të madhe në 30 vitet e fundit./arbresh.info/

#Breaking: A #wildfire is raging across the southern #Athens suburb of #AnoGlyfada on Saturday afternoon and residents of Ano Voula are being evacuated. Full story: https://t.co/ujsnuraUPV #Greece #Fire pic.twitter.com/JG0KzOlAmv

— Greek Reporter (@GreekReporter) June 4, 2022