Ndërkohë që Ukraina përballet me agresionin ushtarak të Vladimir Putinit prej më shumë se dy muajsh, rrëfime të shumta tronditëse janë raportuar.

E fundit është thënë nga Mykola, një nga tre vëllezërit që thuhet se u detyruan të gjunjëzohen në buzë të një grope të sapo hapur nga një fushë me grurë në veri të Ukrainës, pasi iu lidhën sytë.

Sipas një dëshmie tronditëse të publikuar nga Wall Street Journal, plumbi i parë vrau vëllain më të vogël, Yevgen, përpara se i dyti të godiste Dymytro, më të madhin.

Ndërsa Mykola-n e goditi plumbi afër veshit të tij të djathtë dhe doli mbi anën e djathtë të gojës së tij, thuhet në raport.

Ushtarët rusë e hodhën Mykola-n në varr mbi Yevgen përpara se ai të ndjente peshën e Dymytro-s mbi të, më pas kuptoi se dikush po hidhte dheun mbi ta.

“E kuptova që isha gjallë”, tha 33-vjeçari. Plumbi kishte rrëshqitur nofullën e sipërme në pjesën e brendshme të faqes së tij pa shkaktuar ndonjë dëm të madh, por, sipas rrëfimit, ai u përball me një udhëtim torturues për në shtëpi pasi i mbijetoi ekzekutimit, ndërsa iu shmang forcave ruse gjatë rrugës.

Tregimi i tij thuhet se përbën bazën e një prej mijëra rasteve që prokurorët ukrainas po ndërtojnë kundër forcave ruse që i akuzojnë për kryerjen e krimeve të luftës, duke përfshirë ekzekutimet, torturat dhe përdhunimet. /abcnews.al