Zyrtari i partisë së Vuçiqit: Nuk jam optimist për vazhdimin e dialogut më 13 maj

23:48 | 5 Maj 2022
Gita

Zyrtari i partisë së presidentit serb Vuçiq, Milovan Drecun, tha se kryeministri i Kosovës Albin Kurti doli me qëndrimin se Kosova do të aplikojë për anëtarësim në programin e Partneritetit për Paqe të NATO-s, edhe pse siç tha ai “nuk kanë ushtri dhe nuk njihen nga të gjithë anëtarët e kësaj aleance dhe se presin një ftesë nga Këshilli i Evropës”.

“Nuk mjafton vetëm biseda për të arritur progres në dialogun Beograd-Prishtinë”, tha Kryetari i Komisionit Parlamentar për Kosovën në Kuvendin e Serbisë, teksa shtoi se “nuk është optimist për vazhdimin e negociatave më 13 maj në Bruksel”.

“Që të ketë përparim, duhet të arrihet një marrëveshje, të paktën një paraprake, kështu që duhet të përpunohet përmes ekipeve të ekspertëve dhe më pas të miratohet përfundimisht”, tha Drecun në një deklaratë për Tanjug.