Kur shfaqen çrregullimet e para të Parkinsonit, si ngadalësimi i lëvizjes dhe dridhja në pushim, sëmundja është tashmë në një fazë të avancuar.

Megjithatë, janë disa simptoma që nuk duhet nënvlerëruar, të cilat mund të ndihmojnë në parashikimin e diagnozës, sikurse është gjumi i keq, transmeton portal arbresh.info

Rreth 5 milionë njerëz në mbarë botën janë të prekur nga kjo sëmundje.

Parkinson shfaqet rreth moshës 60 vjeç, por midis 10 dhe 20 për qind e pacientëve fillojnë të kenë simptoma edhe para moshës 50 vjeç, sipas të dhënave nga Fondacioni Michael J. Fox.

Shkaku i kësaj sëmundje neurodegjenerative është prania jonormale e agregateve të proteinave alfa-sinukleinë në tru, gjë që çon në vdekjen selektive të neuroneve që prodhojnë dopaminë. Shpesh, në kohën kur merret diagnoza, mbi 60% e qelizave dopaminergjike tashmë janë degjeneruar.

“Fillimi i trajtimit në një fazë të hershme apo edhe para simptomatike është shumë i rëndësishëm në kontrollimin e simptomave dhe ngadalësimin e evolucionit të sëmundjes”, tha Alfredo Berardelli, profesor i Neurologjisë në Universitetin La Sapienza në Romë.

Për të diagnostikuar sëmundjen në fazën para-simptomatike, duhet t’i kushtohet vëmendje manifestimeve klinike jo specifike si mungesa e nuhatjes, depresioni, por gjithashtu, siç konfirmojnë studimet e fundit, çrregullimi i sjelljes gjatë gjumit janë shenjat e para që zakonisht zhvillohen brenda 10-12 viteve.

Deri më sot nuk ka një kurë përfundimtare, por ekzistojnë ilaçe që mund të kontrollojnë simptomat, të cilat gjithashtu mund të shoqërohen me terapi të tilla si ultratingulli i fokusuar dhe stimulimi i thellë i trurit./arbresh.info/