Federata e Futbollit të Kosovës, sot  në ora 11:00 do të mbaj Kuvend Zgjedhor e cila do të zhvillohet në ambientet e FFK-së.

Dje, FFK ka lajmëruar se vetëm një medium do të ketë të drejtë të kenë të pranishëm në sallën e Kuvendit, ndërsa mediat tjera, nuk do të mund të kenë akses e arsyetimin e “hapësirës dhe numrit të kufizuar të pjesëmarrësve”, përcjell arbresh.info.

Prezent në këtë Kuvend Zgjedhor është edhe Kryetari i Komitetit Olimpik të Kosovës, Ismet Krasniqi.

Kransiqi ka thënë se  KOK-u ka ndjekur me vëmendje këtë proces dhe  do të kërkojnë të respektohen të gjitha aktet normative.

“KOK ka ndjekur me vëmendje këtë proces. Siç jemi deklaruar më parë, deklarohemi edhe këtu. Kërkojmë nga ju të respektohen të gjitha aktet normative. Ndodhem këtu për të monitoruar këtë Kuvend, ku shpresoj të shkojë gjithçka mbarë, në suaza të Fair Play. KOK do të vazhdojë të ketë raporte të mira me FFK, për të avancuar futbollin si sportin më masiv në vendin tonë.”- ka thënë Krasniqi. /arbresh.info/