UNICEF: Dy milionë fëmijë janë larguar deri më tani nga Ukraina

15:59 | 30 Mars 2022
KRG

Rreth katër milionë njerëz janë larguar deri më tani nga Ukraina për ti shpëtuar agresionit rus, sipas OKB-së, ndërsa 2.5 milionë fëmijë janë zhvendosur brenda Ukrainës.

Në një përditësim ditën e sotme, UNICEF tha se dy milionë fëmijë janë në mesin e atyre që janë larguar nga Ukraina për t’i shpëtuar dhunës. Më shumë se 1.1 milionë fëmijë kanë mbërritur në Poloni, ndërsa qindra të tjerë kanë mbërritur në Rumani, Moldavi, Hungari, Sllovaki dhe Republikën Çeke.

“Situata brenda Ukrainës ndryshon vazhdimisht. Ndërsa numri i fëmijëve që po largohen nga shtëpitë e tyre vazhdon të rritet, ne duhet të kemi parasysh se secili prej tyre ka nevojë për mbrojtje, siguri dhe mbështetje,” tha drejtoresha ekzekutive e UNICEF-it Catherine Russell.

Gjithashtu sipas UNICEF, më shumë se 100 fëmijë janë vrarë në konflikt dhe 130 të plagosur janë plagosur.