NATO ka filluar stërvitjet më të mëdha ushtarake pranë kufirit me Rusinë.

Stërvitja ushtarake “Përgjigjja e ftohtë” nisi të hënën në Norvegji në një kohë kur tensionet mes Rusisë dhe Perëndimit janë ngritur ndjeshëm pas sulmi në Ukrainë, transmeton portal arbresh.info

Aktivitetet kryesore këtë javë do të zhvillohen në det dhe në ajër.

Anijet aleate po mblidhen në Detin e Veriut dhe sasi të mëdha pajisjesh nga vende të ndryshme të NATO-s mbërritën në Norvegji javën e kaluar për një stërvitje që po përgatitej prej muajsh dhe e cila pritet të përfundojë me 1 prill.

“Përgjigjja e ftohtë” mbahet çdo dy vjet në kushtet e dimrit në vendin skandinav nga e ka origjinën Sekretari i Përgjithshëm i NATO-s Jens Stoltenberg.

Sipas të dhënave norvegjeze, në stërvitje marrin pjesë rreth 30,000 trupa nga 27 vende anëtare të NATO-s dhe vende partnere.

Norvegjia vazhdimisht ka theksuar se stërvitjet ushtarake nuk janë reagim ndaj Rusisë, por një stërvitje e përbashkët e mbrojtjes e planifikuar prej kohësh.

Rusia u ftua si vëzhguese, por e refuzoi ftesën./arbresh.info/