Mbi 20 mijë qytetarë të Ukrainës, të larguar nga lufta, kanë gjetur strehim në Turqi, tha të dielën Ministri i Brendshëm Suleyman Soylu, duke shtuar se Turqia është më se e lumtur t’i mirëpresë ata.

Duke folur në një ngjarje në kryeqytetin Ankara, Soylu kritikoi vendet europiane që kanë dështuar të marrin vendime të pavarura në lidhje me luftën në Ukrainë, shkruan Daily Sabah, transmeton portal arbresh.info

Ai vuri në dukje se Presidenti turk, Recep Tayyip Erdogan, ka ka theksuar idenë se bota është më e madhe se pesë dhe se pushtimi rus i Ukrainës ka treguar qartë të vërtetën në lidhje me deklaratën e tij.

“Ku është këshilli juaj i sigurisë? Shkoni përpara dhe zgjidhni këtë problem, “tha Soylu.

Ai vuri në dukje se rreth 1.5 milion ukrainas janë larguar nga vendi i tyre që nga fillimi i luftës dhe Turqia ka mirëpritur mbi 20,000.

“Ne nuk diskriminojmë asnjë racë, pavarësisht nëse kanë flokë bjonde dhe sy blu. Ne jemi myslimanë dhe i përqafojmë viktimat ngado që vijnë”, tha ai./arbresh.info/