Të paktën 364 civilë janë konfirmuar se janë vrarë në Ukrainë që kur trupat ruse nisen agresionin më 24 shkurt dhe 759 të tjerë u plagosën, edhe pse shifrat e vërteta janë ndoshta “dukshëm më të larta”, tha të dielën një mision monitorues i OKB-së.

Shifrat e përditësuara, në lidhje me viktimat deri më 5 mars, shtuan 13 vdekje të tjera dhe 52 të plagosur viktimave që monitoruesit nga Zyra e Komisionerit të Lartë të OKB-së për të Drejtat e Njeriut (OHCHR) raportuan të shtunën.

Shumica e vrasjeve dhe plagosjeve u shkaktuan nga eksplodimet që kishin ndikim të gjerë nëpër zona, përfshirë edhe granatimet nga artileritë e rënda, thanë monitoruesit, raporton Reuters.

“OHCHR beson se shifrat reale janë dukshëm më të larta, sidomos në territorin e kontrolluar nga qeveria dhe sidomos në ditët e fundit, pasi marrja e informacionit nga disa vende ku ka pasë armiqësi më intensive u vonua dhe raportet ishin ende në pritje për t’u vërtetuar”.