Gjilani ka arritur të kthehet te fitoret, pasi ka mposhtur Ulpianën me rezultat të pastër 2-0.

Skuadra e Ismet Munishit në kuadër të xhiros së 23-të në BKT Superligë e zhvilloi ndeshjen në stadiumin me bari sintetik në Gjilan, derisa ka triumfuar ndaj Ulpianës.

Pjesa e parë ishte më e barabartë me dy skuadrat që kishin disa raste shënimi, por pa parë tifozët e pranishëm gola.

Gjilani në pjesën e dytë ishte shumë më e mirë se skuadra mysafire dhe realizoi edhe dy gola.

Në minutën e 54-të Gerhard Progni realizoi një gol nga gjuajtja e lirë, kur harkimi i tij shkoi direkt në gol pa u prekur nga asnjë futbollistë në zonë për 1-0.

Ishte minuta e 75 e ndeshjes, kur Gjilani realizoi edhe golin e qetësisë, me Shend Kelmendin realizator për 2-0.

Deri në fund gola më nuk pati dhe Gjilani mori tri pikë të mëdha në luftën për mbijetesë.

Me këtë fitore Gjilani shkon në kuotën e 46 pikëve dhe zë vendin e dytë në Superligë, derisa Ulpiana mbetet e parafundit me 22 pikë.

Ndeshjen e ardhshme Gjilani e zhvillon të enjten ku përballet me Dritën, derisa Ulpiana luan ndeshjen direkte me Dukagjinin.