66 qytetarë kanë rezultuar pozitiv me virusin COVID-19 dhe asnjë i vdekur

15:04 | 5 Mars 2022
Gita

Në 24 orët e fundit 66 qytetarë kanë rezultuar pozitiv me Covid-19, ndërsa për fat të mirë nuk është shënuar asnjë rast i vdekjes nga ky virus.

Ministria e Shëndetësisë duke u bazuar në të dhënat 24 orësh të Institutit Kombëtar të Shëndetësisë Publike të Kosovës, në bazë të raportit 24 orësh, ka bërë të ditur se në 24 orët e fundit janë dhënë 533 doza të vaksinës kundër COVID-19, shkruan arbresh.info.

“Prej fillimit të vaksinimit në të gjitha qytetet e Kosovës janë dhënë 1.815.517 doza të vaksinës. Deri më sot 817.151 qytetarë janë vaksinuar me dozën e dytë.Deri më sot janë dhënë 98.099 doza përforcuese dhe doza të treta të vaksinës kundër COVID-19”, thuhet në njoftim.

Ndërsa bëhet e ditur se sot janë shëruar 252 qytetarë, derisa numri i përgjithshëm i të shëruarve është 222.184.

Në total numri i rasteve aktive është 1.278. /arbresh.info/