Të paktën 71 persona kanë vdekur nga rrëshqitjet e dheut dhe përmbytjet në qytetin brazilian të Petropolis, thonë zyrtarët.

Qyteti, i cili ndodhet në malet në veri të Rio de Zhaneiros, u godit nga reshje të rrëmbyeshme, transmeton portal arbresh.info

Shtëpitë në ndodheshin në kodër janë shkatërruar , ndërsa makinat kanë lundruar nëpër ujrat e rrëmbyeshëm.

Autoritetet kanë shpallur gjendjen e jashtëzakonshme.

Ekipet e kërkimit janë duke kërkuar për të mbijetuar, shkruan BBC.

“Kam gjetur një vajzë që ishte varrosur e gjallë,” tha Ëendel Pio Lourenco, një banore 24-vjeçare, për agjencinë e lajmeve AFP ndërsa po shkonte në një kishë lokale për të kërkuar strehim.

Presidenti Jair Bolsonaro, i cili ndodhet në një udhëtim zyrtar në Rusi, ka thënë se do të organizojë ndihmë të menjëhershme për viktimat.

Më shumë se 180 ushtarë janë vendosur dhe ekipe më të specializuara kërkimi pritet të mbërrijnë më në vendin e goditur nga përmbytja.

Petropolis, dikur rezidenca verore e perandorit brazilian, është një destinacion popullor turistik.

Incidenti më i rëndë i ngjajshëm ndodhi në vitin 2011, kur më shumë se 900 njerëz u vranë pasi rrëshqitjet e dheut goditën Petropolisin dhe qytetet fqinje./arbresh.info/