Me largimin e Niklas Sule, Bayern Munchen do të humbasë një mbrojtës të lartë, sipas kapitenit të skuadrës, Manuel Neuer. Portieri dukej jo shumë i kënaqur me këtë vendim të marrë nga bordi, dhe veçanërisht, jo shumë i kënaqur nga fjalët e ish-shefit, Karl-Heinz Rummenigge.

Kapiteni i Bayernit shprehu pakënaqësinë e tij për largimin e Sule pas ndeshjes kundër RB Leipzig, e cila përfundoi 3-2. 35-vjeçari i vjen keq që bashkëlojtari i tij do të largohet në verë.

“Na mërzit që Niklas po largohet. Do të na mungojë”, tha Neuer, duke kundërshtuar fjalët e Rummenigge.

“Ishte një rrugë e gjatë derisa ai arriti kulmin e tij, ai ka bërë shumë mirë në dy vitet e fundit”.

“Mendoj se mund të thuash se ai ka pohuar veten këtu dhe ka treguar paraqitje të shkëlqyera”, shtoi Neuer./Arbresh.info