Ministrat e jashtëm të BE-së nuk do të diskutojnë sanksionet kundër Rusisë në takimin e tyre të ardhshëm, por blloku do të reagojë në përputhje me rrethanat nëse Ukraina sulmohet, tha të premten një zyrtar i lartë i BE-së.

Diplomatët e lartë të BE-së do të takohen të hënën në Bruksel për të diskutuar zhvillimet e fundit në Siri, Libi, Mali dhe Sudan, shkruan AA, transmeton portal arbresh.info

Ministrat do të vlerësojnë gjithashtu propozimet e Moskës për marrëveshjet evropiane të sigurisë dhe ngritjen ushtarake në dhe rreth Ukrainës.

Sekretari amerikan i shtetit Antony Blinken do t’i bashkohet edhe ministrave të BE-së përmes një video-lidhjeje për bisedën mbi situatën e sigurisë në Europë.

Ministrat nuk do të flasin për sanksione kundër Rusisë, por BE-ja “do të reagojë shpejt nëse diçka ndodh”, tha një zyrtar i lartë i BE-së, duke kujtuar komentet e kryetares së Komisionit Evropian Ursula von der Leyen, e cila paralajmëroi Rusinë për “sanksione masive ekonomike dhe financiare nëse sulmohet Ukraina.

Në takimin e Këshillit NATO-Rusi më 12 janar, aleanca ushtarake hodhi poshtë pretendimet e Rusisë për ndalimin e procesit të zgjerimit të NATO-s dhe tërheqjen e forcave nga krahët lindorë të NATO-s dhe i bëri thirrje Rusisë t’i japë fund retorikës kërcënuese dhe ngritjes ushtarake brenda dhe përreth Ukrainës./arbresh.info/