Policia e Tiranës ka arrestuar një 49-vjeçar, drejtues të një ambulance për shkelje të rregullave të qarkullimit rrugor.

Nënë drejtimi ne ambulancës, ai është përplasur me disa mjete të tjera në autostradën Durrës-Tiranë dhe si pasojë janë plagosur 4 persona.

“A. H., 49 vjeç, për veprën penale “Shkelja e rregullave të qarkullimit rrugor”, pasi duke drejtuar mjetin autoambulancë, është përfshirë në një aksident me disa mjete, në autostradën Durrës-Tiranë. Si pasojë e aksidentit janë dëmtuar shtetasit: P. Z., 35 vjeç, K. V., 27 vjeçe, A. Z., 26 vjeçe dhe R. B., 39 vjeçe, të cilët ndodhen në spital, nën kujdesin e mjekëve, jashtë rrezikut për jetën.” – bën me dije policia.

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale./oranews