Gërvalla: Ilir Dugolli është ambasador i Kosovës në Uashington

23:34 | 29 Nëntor 2021
Përparim Bublaku

Ministrja e Punëve të Jashtme Donika Gërvalla ka konfirmuar se Ilir Dugolli do të jetë ambasador i Kosovës në Uashington.

‘Është e vërtete Ilir Dugolli është ambasadori ynë në Uashington. Ilir Dugolli është personi të cilin e kemi konsideruar si diplomatin me përvojë i cili mund t’i bëjë ballë gjithë asaj pune”, theksoi ajo në T7.

Ilir Dugolli aktualisht është ambasador i Kosovës në Turqi.

Ai ishte emëruar shef i misionit diplomatik në Ankara në vitin 2019. Emërimi i tij ishte bërë me propozim të zëvendëskryeministrit dhe ministrit të atëhershëm të Punëve të Jashtme, Behgjet Pacollit.

Më herët, Dugolli ka qenë ambasador në Belgjikë.

Ai po ashtu ishte akredituar si ambasador i jashtëzakonshëm dhe fuqiplotë i Kosovës në Estoni, atëherë me rezidencë në Belgjikë.

Dugolli ka studiuar në Universitetin britanik “Yale” dhe në “Central European University”.