Sulmuesi i Watford: Ne aplikuam taktikën kryesore të Liverpool për të mposhtur Man United

15:31 | 22 Nëntor 2021
Lorik Gerbeshi

Sulmuesi i Watford, Josh King pranon se ata morrën frymëzim nga Liverpool për të mposhtur Manchester United të shtunën.

“Hornets” fituan 4-1 ndaj United në Premier League të shtunën, fitore kjo që ishte shkak i shkarkimit të Ole Gunnar Solskjaer.

King, i cili shënoi golin e parë të skuadërs së tij kundër “Djajve të Kuq”, ka zbuluar se si Liverpool luajti një rol në fitoren e tyre të shtunën.

“Ndjeva se fitorja ishte e merituar. E dinim se duhej të fillonim shumë agresiv”, tha King për faqen e klubit të Watford.

“Para ndeshjes, menaxheri na tregoi shumë video nga ndeshja e Liverpool dhe se si ata “shtypnin” vijën e tyre të pasme. Ne e bëmë atë në mënyrë të jashtëzakonshme”.

“Mendoj se pjesa e parë ishte më e mirë se pjesa e dytë për sa i përket presionit, por në fund ata u përpoqën ta bënin atë dhe ne i ndëshkuam me dy gola”, tha King./Arbresh.info