Chelsea ka mbetur “i shtangur” pasi mendoi se kishte rënë dakord për një marrëveshje të re me një nga yjet e tyre që së shpejti do të jetë jashtë kontratës.

“Blutë” po kërkojnë t’i “blindojnë” disa nga lojtarët kryesor të tyre me kontrata të reja.

Kontrata aktuale e Rudiger skadon në fund të sezoni, me klubin që shpreson të vazhdoj bashkëpunimin me të, pavarësisht spekulimeve intensive mbi transferimin e tij.

Andreas Christensen është një tjetër lojtar, kontrata e të cilit përfundon verën e ardhshme, me Chelsean që dëshiron të zgjasë periudhën e tij në “Stamford Bridge”.

Ata menduan se kishin një marrëveshje në bisedimet për kontratën e re, derisa mbrojtësi danez propozoi kërkesat e reja në minutën e fundit, duke lënë të “shtangur” klubin anglez.

Mendoi se agjenti i tij donte që kontrata të zvogëlohej nga pesë vjet në tre, gjë që befasoi hierarkinë e Chelseat.

Kohëzgjatja e kontratës tani është çështja kryesore e diskutimeve, me klubin që nuk dëshiron të tërhiqet nga propozimi i tyre.

Nëse ata nuk arrijnë një marrëveshje, atëherë Christensen duket se do të largohet nga Londra me parametra zero.

Andreas Christensen është lojtar i dalë nga akademia e Chelseat, ndërsa debutimin e bëri më 28 tetor të vitit 2014./Arbresh.info