Kryetari i Presidencës boshnjake, Zeljko Komshiç ka braktisur intervistën me agjencinë shtetërore serbe të lajmeve Tanjug, pasi gazetari që po e intervistonte e mohoi se në Srebrenicë ka ndodhur gjenocid.

Gjatë intervistës, gazetari tha se ai nuk pajtohet se në Srebrenicë ka pasur gjenocid dhe se pozicioni i tij nuk ishte i rëndësishëm.

Komshiç tha se pozicioni është i rëndësishëm dhe e pyeti gazetarin se pse nuk pajtohet.

“Që një krim i tmerrshëm ka ndodhur?”, tha gazetari i Tanjugut.

“Është gjenocid. Ky është gjykimi i Tribunalit ndërkombëtar. Gjenocidi nuk është një krim i tmerrshëm. Krimet e tmerrshme janë tjera”, tha Komshiq.

“Ky është pozicioni yt”, shtoi gazetari.

“Nuk është pozicion i imi. Është çfarë verdikti i gjykatës ka thënë”, tha Komshiç.

“Me çfarë pajtoheni ju?”, pyeti gazetari, Komshiç iu përgjigj “Dhe ju nuk pajtoheni?”

“Nuk pajtohem me këtë”, tha gazetari.

Pas kësaj deklarate, Komshiç u ngrit nga intervista, i tha atij se intervistën do ta realizoj me dikë tjetër./expres/

https://twitter.com/N1infoSA/status/1458103692150943748?ref_src=twsrc%5Etfw%7Ctwcamp%5Etweetembed%7Ctwterm%5E1458103692150943748%7Ctwgr%5E%7Ctwcon%5Es1_&ref_url=https%3A%2F%2Flapsi.al%2F2021%2F11%2F09%2Fgazetari-serb-mohon-gjenocidin-ne-srebrenice-presidenti-i-bosnjes-i-iken-nga-intervista-video%2F