Talibanët u kanë ndaluar parukierëve në provincën Helmand të Afganistanit të rruajnë ose shkurtojnë mjekrën, duke thënë se kjo shkel interpretimin e tyre të ligjit islam.

Sipas policisë fetare talebane, kushdo që shkel rregullin do të ndëshkohet, shkruan BBC, transmeton portal arbresh.info

Urdhër të ngjajshëm kanë marrë edhe berberët në Kabul.

Udhëzimet sugjerojnë një kthim në vendimet e rrepta të qëndrimit të mëparshëm të grupit në pushtet, pavarësisht premtimeve për një formë më të butë të qeverisjes.

Që nga marrja e pushtetit muajin e kaluar, talebanët kanë kryer dënime të ashpra ndaj kundërshtarëve.

Të shtunen talebanët kanë vrarë katër “hajdutë” të dyshuar, ndërsa trupat e tyre janë varur në rrugët e provincës Herat.

Në një njoftim të postuar në sallone në provincën jugore të Helmandit, oficerët talebanë paralajmëruan se parukierët duhet të ndjekin ligjin e Sheriatit për prerjen e flokëve dhe mjekrën.

Gjatë periudhës së parë të talibanëve në pushtet nga 1996 deri në 2001, islamistët e ashpër ndaluan stilin e flokëve të ndezur dhe këmbëngulën që burrat të mbanin mjekër.

Megjithatë, që nga viti 2021, burrat talebanë filluan të ndjeknin modën perëndimore, e cila u ndoq deri kur talebanët morrën pushtetin sërish pas tërheqjes së trupave amerikane nga Afganistani./arbresh.info/