Talebanët duket se kanë mbyllur ministrinë e çështjeve të grave dhe e kanë zëvendësuar atë me një departament që dikur zbatonte doktrina të rrepta fetare.

Gjatë ditës së sotme, shenja e ministrisë është hequr dhe është vendosur një shenjë për ministrinë e virtytit, shkruan BBC, transmeton portal arbresh.info

Gjatë sundimit të talebanëve në vitet 1990, ministria detyroi rregulla strikte islame dhe kufizime të ashpra ndaj grave.

Në 20 vitet e fundit gratë afgane kanë luftuar dhe kanë fituar një numër të të drejtave themelore, por tani ka frikë se përparimi që kanë bërë nuk ka më vlerë nën qeverinë e talebanëve.

BBC shkruan se përderisa talebanët kanë bërë premtime se do të respketojnë të drejtat e grave, një gjë e tillë nuk është ndodhur.

Grupet e të drejtave të njeriut kanë kritikuar më parë këtë ministri të talebanëve, e cila vendos kufizime strikte për gratë.

Por anëtarët talebanë thonë se institucioni është i rëndësishëm: “Qëllimi kryesor është t’i shërbejmë Islamit. Prandaj, është e detyrueshme të kesh [një] të Virtytit,” tha një anëtar taleban, Mohammad Yousuf, për New York Post./arbresh.info/

Taliban replaced the Women's Affairs Ministry with the Ministry of Vice and Virtue. #Kabul #Afghanistan pic.twitter.com/odVd4avdHx

— Khalil Noori BBC (@KhalilNoori) September 17, 2021