Topalli: Basha s’ka asnjë të drejtë statutore të përjashtojë Berishën

22:05 | 9 Shtator 2021
Përparim Bublaku

Ish-zv.kryetarja e Partisë Demokratike, Jozefina Topalli duke komentuar vendimin për përjashtimin e Sali Berishës nga grupi i PD, thotë se Lulzim Basha“, ka shitur çdo bashkëpunëtor”.

“Sonte tha: Kam vendosur të përjashtoj Sali Berishën. Prap e konsideron veten mbi ligjin. Ai nuk ka asnjë të drejtë ligjore e statutore ta bëjë këtë. Sonte me kujtoi edhe njëherë Enver Hoxhën”, shprehet Topalli.

Topalli thotë se Basha ka punuar kundër interesit kombëtar dhe vetë PD dhe ndaj bën thirrje për përjashtimin e tij nga PD, raporton euronews.al.

“Çdo ditë, që nga dita e parë që ka zbritur në Tirane ai ka patur vetëm një qëllim: pasurimin e tij dhe të familjes së tij, përmes karriges politike”, shkruan ish-kryetarja e Kuvendit.

Sipas Topallit, Basha është “praktikisht i de legjitimuar në atë parti” dhe sipas saj “pa larguar Lulzim Bashën nuk ikën Edi Rama”.