Schaffhausen ka konfirmuar se Artim Shaqiri është trajneri i tyre i ri.

Përmes një njoftimi për media, klubi nga liga e dytë e Zvicrës ka bërë të ditur se strategu shqiptar do ta zëvendësojë Murat Yakin që ka marrë drejtimin e Përfaqësueses së Zvicrës.

Pasi Vladimir Petkovic i dha fund aventurës së suksesshme te Helvetikët, dhe kalimit te Bordeaux.

“FC Schaffhausen gjeti një pasardhës të Murat Yakin. Artim Shaqiri mori trashëgiminë”, thuhet fillimisht në komunikatën e tyre.

“Pas fillimit të karrierës  si trajner, Shaqiri, i cili ka një licencë UEFA Pro, mori angazhimin e tij të parë si trajner te Shkendija e Tetovës para se të bëhej nënkampion me klubin kryesor shqiptar FK Kukësi. Kohët e fundit, Shaqiri, i cili mbush 48 vite më 23 shtator, ishte trajner i klubit maltez Pembroke Athleta FC dhe, deri në fillimin e pandemisë, më pas mori drejtimin e Flamurtarit (të Prishtinës)”.

“Artim Sakiri do të jetë në dispozicion të FC Schaffhausen me efekt të menjëhershëm, por do të duhet të presë pak derisa të arrijë leja e punës”.

“FC Schaffhausen mirëpret ngrohtësisht Artimin në Munotstadt dhe i uron atij shumë argëtim dhe suksese në shtëpinë e tij të re”, përfundon njoftimi i tyre.