Një sulm i ri ndodhi sot në Kabul kur një raketë goditi një shtëpi disa kilometra larg Aeroportit Ndërkombëtar në kryeqytetin e Afganistanit pasdite.

Sipas informacioneve fillestare nga mediat vendase dhe korrespondentët e mediave britanike, raketa goditi një shtëpi në fshatin Khajeh Baghra, e cila është disa kilometra në veri të Aeroportit Ndërkombëtar, ku ndodhën dy shpërthime të enjten.

Tani për tani, mediat nuk kanë informacion nëse ka pasur viktima në sulmin e ri.

Sidoqoftë, janë publikuar disa pamje në të cilat thuhet se shihet vendi ku është kryer sulmi.

Gjithashtu, për momentin, nuk ka asnjë konfirmim se kush e kreu sulmin, duke qenë se gazetarët vendas raportojnë se sulmet me raketa në Kabul në vitet e mëparshme janë kryer nga anëtarët e grupit terrorist ISIL-K, si dhe talebanët.

Ajo që është indikative është se sulmi vjen vetëm një ditë pasi presidenti amerikan Joe Biden tha se një sulm i ri pranë Aeroportit Ndërkombëtar të Kabulit është i mundur në 24 deri në 36 orët e ardhshme, gjë që sigurisht i ndërlikon rrethanat e evakuimit të qytetarëve të mbetur, por edhe të huaj shtetas nga ky vend aziatik.

Residential area near #Kabulairport hit by Rocket #Afganistan #Taliban #ISIS_K #Kabul pic.twitter.com/FQV4wN5sdn

— Rohit Ranjan (@irohitr) August 29, 2021

Kujtojmë, një sulm në Kabul u krye nga anëtarët e grupit ISIL-K të enjten, në të cilin u vranë më shumë se 170 njerëz, përfshirë 13 ushtarë amerikanë. /Telegrafi/