Bejtullah Deliu është kandidati i Partisë Demokratike të Kosovës për kryetar të Rahovecit. ‘

Kryetari i kësaj partia ka thënë se Deliu si njohës i mirë i problemeve të kësaj komune do të sjellë ndryshime në rast se merr udhëheqjen.

“Rahoveci, qyteti i punës, i konakut e krenarisë, do të ketë nga tetori kryetarin që e meriton. Bejtullah Deliu është kandidati ynë për të drejtuar këtë qytet, që është zhvilluar shumë me qeverisjen e PDK-së, por ka ngecur në vitet e fundit. Bejtullahu e njeh mirë Rahovecin, djersën e fermerëve, ndërmarrësve dhe pritjet e të rinjve të kësaj komune. Prandaj, ai ka edhe vullnetin e madh që të sjellë transformime në këtë qytet, ashtu siç e meriton”, ka shkruar Krasniqi.

Krasniqi tha se e viziton shpesh Rahovecin dhe thotë se ka shumë angazhime që presin për t’u kryer.

“Me një ekip të shkëlqyer të kandidatëve për Asamblenë Komunale, me profesionistë të ndershëm, të rinj e të reja, qytetarët e Rahovecit kanë mundësinë që me Bejtullah Deliun dhe PDK-në të rikthejnë punët e mira në qytet e fshatra”./arbresh.info/