Talibanët kanë kapur qytetin kyç verior të Afganistanit, Kunduz, një nga qytetet më të mëdha në vend, pas luftimeve të ashpra me forcat qeveritare.

Një zyrtar lokal i tha BBC-s se përveç aeroportit të qytetit, të gjitha kishin rënë nën kontrollin e militantëve. Flamuri i grupit u pa i ngritur në qendër të qytetit.

Janë raportuar skena kaotike me ndërtesa dhe dyqane të ndezura, transmeton Telegrafi.

Katër kryeqytetet rajonale tani kanë rënë nën kontrollin e talibanëve që nga e premtja. Kunduz është avancimi i tyre më i rëndësishëm këtë viti, sipas BBC.

Militantët gjithashtu luftuan në një qytet tjetër verior, Sar-e-Pul, i cili u kap pak orë pas Kunduz.

Në anën tjetër zyrtarët afganë këmbëngulin se forcat e tyre mbeten në qytetet që kanë rënë, dhe se luftimet vazhdojnë.

Dhuna është përshkallëzuar në të gjithë Afganistanin pasi forcat amerikane dhe forcat e tjera ndërkombëtare filluan të tërheqin trupat e tyre nga vendi, pas 20 vitesh operacionesh ushtarake.