Një person ka raportuar në Policinë e Kosovës se disa persona kanë gjuajtur me armë drejtë shtëpisë së tij dhe veturës.

Ngjarja ka ndodhur në Podujesë mbrëmjen e së mërkurës.

Policia ka gjetur në vendin e ngjarjes 16 gëzhoja dhe dy predha.

RAPORTI

Podujevë 14.07.2021 – 21:45. Ankuesi mashkull kosovar ka raportuar se dy të dyshuar deri më tani të pa njohur në afërsi të shtëpisë së tij kanë zbritur nga një motoçikletë dhe kanë shtënë me armë zjarri në drejtim të shtëpisë së ankuesit. Njësitë relevante policore kanë dalë në vendin e ngjarjes ku kanë gjetur dhe sekuestruar 16 gëzhoja dhe 2 predha. Si pasojë e të shtënave janë dëmtuar dyert e shtëpisë së ankuesit dhe një veturë me targa vendore. Në lidhje me rastin është konsultuar prokurori i shtetit. Rasti vazhdon të hetohet./arbresh.info/