Nëpërmjet një njoftimi të OBRM-PDUKM-së thuhet se Zaev vendos tatim krize dhe jo taksë ekologjike, ndërsa taksat e atilla në Evropë janë dyfish më pak.

“Gjermania e cila është lidere në botë për nga marrja e energjisë elektrike me mbi 50.9% nga prodhimi i mullinjve të erës, ka taksë ekologjike prej 2.7 denarë për dizelin dhe 3.9 denarë për benzinën dhe në krahasim me planin e Zaevit, sipas të cilit populli duhet të paguajë 4.13 denarë për litër, pavarësisht nëse është dizel ose benzinë”, thonë nga kjo parti.

Ata pyesin se kur Gjermania e cila është ndër prodhueset më të mëdha të energjisë nga burime të rinovueshme ka arritur të ketë përqindje më të vogël për investimin e gjithë atyre investime, atëherë pse Zaev duhet të shkojë me tatime të mëdha.

“Nuk bëhet fjalë për taksë ekologjike, por tatim krize, për shkak se e boshatisën buxhetin me vjedhje dhe tani populli duhet ta mbulojë”, thonë nga OBRM-PDUKM.

Ata shtojnë se gjendje me taksën ekologjike është e njëjtë edhe në Britani të Madhe ku taksa ekologjike është 3.5 denarë për derivatet e naftës, ndërsa edhe Franca po ashtu paguan taksë më të vogël ekologjike se sa Zaev, përkatësisht për dizel në Francë paguhet rreth 3.2% për dizel dhe 3.9% për benzinë./Telegrafi/