Max Verstappen pa konkurrencë në Austri, regjistron fitoren e radhës në Formula 1

17:53 | 27 Qershor 2021
KRG

Shpërthimi i Max Verstappen këtë edicion në garën për titullin e Formula 1 nuk duket se po ndalet pas dominimit të fundit në Austri.

Piloti Red Bullit shmangu çfarëdo drame duke regjistruar fitoren e tretë rekorde në Austri, në një fundjavë për t’u mbajtur mend në ‘Styrian Grand Prix’.

Verstappen nuk ishte në asnjë çast i rrezikuar, pasi e nisi garën nga vendi i parë dhe shumë shpejt krijoi diferencë të mjaftueshme me kampionin Lewis Hamilton (Mercedes).

MAX, MAX, MAX, SUPER MAX‼️

Verstappen WINS at the Red Bull Ring ahead of Hamilton (P2) and Bottas (P3)#StyrianGP ?? #F1 pic.twitter.com/Fb5ggPTz4c

— Formula 1 (@F1) June 27, 2021

Krahas dy rivalëve të sivjetmë për titull, në podium u ngjit edhe Valtteri Bottas (Mercedes), derisa ploti tjetër i Red Bullit, Sergio Perez, përfundoi i katërti.

Kjo ishte fitorja e katërt e Verstappen këtë edicion dhe holandezi numëron 156 pikë në renditjen e përgjithshme, derisa Hamilton ndodhet pas tij me 138 pikë. /Telegrafi/