Ministri i Mbrojtjes Armend Mehaj, priti në vizit profesorin e njohur amerikan Dr. David L. Phillips.

Ai përmes një postimi në Facebook shkruan se biseduan për zhvillimet aktuale në Ministrinë e Mbrojtjes dhe FSK-në, dhe të arriturat e deritashme, sfidat aktuale dhe me vizionin tim për të ardhmen.

Postimi i plotë i tij:

Sot pata nderin e veçantë të pres në vizitë, profesorin e njohur amerikan Dr. David L. Phillips, aktualisht Drejtor i Programit të Ndërtimit të Paqes dhe të Drejtave në Institutin për Studimin e të Drejtave të Njeriut në Universitetin Columbia në New York.
Me profesorin e nderuar diskutuam për zhvillimet e përgjithshme politike, mjedisin global dhe rajonal të sigurisë si dhe kërcënimet dhe rreziqet me të cilat sfidohet ky mjedis. Gjithashtu, njoftova profesorin për zhvillimet aktuale në Ministrinë e Mbrojtjes dhe FSK-në, të arriturat e deritashme, sfidat aktuale dhe me vizionin tim për të ardhmen. Nga ana e tij prof. Phillips, shprehu vlerësimin e lartë për vizionin dhe qëllimet e mia strategjike duke ofruar leksione të veçanta akademike nga përvoja e tij e madhe studimore dhe politike./arbresh.info/