Drejtuesit e komunës nderuan me homazhe dëshmorët e kombit në Mitrovicë.

Nën përkujdesjen e nënkryetarit të komunës, Faruk Mujka, dhe në bashkëpunim me Shoqatat e dala nga Lufta e UÇK-së, sot janë nderuar me homazhe dëshmorët e kombit në varrezat në Shipol, me rastin e 6 Qershorit- Ditës së Dëshmorëve të Komunës së Mitrovicës.

Nënkryetari Faruk Mujka i shoqëruar nga drejtorët e drejtorive komunale, si dhe veteranë dhe invalidë të Luftës së Ushtrisë Çlirimtare të Kosovës pasi kanë vendosur buqetën me lule të freskëta, kanë nderuar të gjithë dëshmorët dhe familjarët e tyre që gjendeshin pranë varrezave.

Me këtë rast, nënkryetari Mujka ka vlerësuar lartë kontributin e jashtëzakonshëm të të gjithë dëshmorëve nga Mitrovica, duke thënë se dëshmorët e Kombit janë lavdia dhe krenaria e popullit, andaj ata duhet të nderohen e respektohen nga të gjithë./arbresh.info/