Karaxhiq, ish-lideri serb transferohet në burg të Britanisë për të vuajtur dënimin

19:21 | 12 Maj 2021
Arditë Shkodra

Britania e Madhe është pajtuar që ish-lideri serbëve të Bosnjes, Radovan Karaxhiq, i dënuar për krime lufte të transferohet në një burg në Britani për të vuajtur pjesën e mbetur të dënimit, shkruan The Guardian.

“Radovan Karaxhiq është një nga njerëzit e paktë që janë shpallur fajtor për gjenocid. Ai ishte përgjegjës për masakrën e burrave, grave dhe fëmijëve në gjenocidin në Srebrenicë dhe ka ndihmuar në rrethimin e Sarajevës me sulmet mbi civilët”, tha sekretari i jashtëm i Britanisë, Dominic Raab.

“Ne duhet të jemi krenar për faktin që Britania e Madhe nga përkrahja për të siguruar arrestimin e tij deri tek qelia e burgut që përballet tani. Britania ka mbështetur ndjekjen 30-vjeçare të drejtësisë për këto krime të tmerrshme”. /express