India i tejkalon 20 milionë raste me Covid-19

MUMBAI, INDIA SEPTEMBER 26: BMC medical staff conducts the Rapid antigen test and swab test at Mahim Navjeevan society, on September 26, 2020 in Mumbai, India. (Photo by Vijayanand Gupta/Hindustan Times via Getty Images)

16:24 | 4 Maj 2021
A. B.

India tejkaloi pragun e 20 milionë të prekurve me Covid-19 që nga fillimi i pandemisë, por qeveria thotë se përhapja po ngadalësohet.

Ky shtet raportoi mbi 355 mijë raste gjatë 24 orëve të fundit, një rënie e ndjeshme nga rekordi prej 400 mijë, i regjistruar më 30 prill. Kjo i atribuohet edhe pakësimit të testeve ditore, duke nxitur frikë që bilanci në Indi mund të jetë shumë herë më i lartë.

Ndërkohë, vijojnë problemet në strukturat spitalore, teksa mungesa e oksigjenit dhe e shtretërve po pengon trajtimin e të infektuarve me koronavirus.
Kjo ka rritur ndjeshëm bilancin ditor të viktimave, për një total prej 222 mijë jetëve të humbura që prej nisjes së pandemisë.