Presidentja e vendit, Vjosa Osmani, në Ditën Botërore të Lirisë së Shtypit, e ka shprehur konsideratën e saj për mediat profesionale e të guximshme.

Në llogarinë e saj në Facebook, ajo i ka inkurajuar gazetarët ta vazhdojnë përpjekjen e tyre për raportim të drejtë e të paanshëm, ngase sipas saj, liria e shtypit është parakusht themelor për funksionimin demokratik të shoqërisë.

Ky është postimi i plotë:

Liria është atribut i gjendjes së natyrshme, siç duhet të jetë edhe Liria e Shtypit.
Në Ditën Botërore të Lirisë së Shtypit, dua ta shprehë konsideratën time për mediat profesionale e të guximshme. Dua t’i inkurajoj ta vazhdojnë përpjekjen e tyre për raportim të drejtë e të paanshëm, ngase liria e shtypit është parakusht themelor për funksionimin demokratik të shoqërisë. Të një shoqërie ku çdo ditë krijojmë hapësirë për ta dëgjuar mendimin ndryshe dhe ku secili ndihet i lirë ta thotë atë që e mendon.
Media/gazetarë të nderuar, urime dita juaj! Hulumtoni, siguroni prova, nxirrni konkluzione në bazë të tyre. E vërteta duhet të jetë kauzë e përhershme e të gjithëve.