Specialja refuzon kërkesën për mbrojtje në liri të Thaçit dhe të tjerëve

20:50 | 30 Prill 2021
Gita

Një panel i Gjykatës së Apelit në Gjykatën Speciale ka refuzuar sot kërkesën për mbrojtje në liri të Hashim Thaçit, Kadri Veselit, Jakup Krasniqit dhe Rexhep Selimit, të cilët akuzohen për krime në luftën e Kosovës për liri.

Ky panel nuk ka marrë në konsideratë argumentet e ofruara nga mbrojtja e të akuzuarve, ndërsa duket qartazi se ka mbajtur linjën e njëjtë me Prokurorin Jack Smith dhe Gjykatësin Paraprak, Nicolas Guillou, ndonëse të tri këto organe do të duhej të funksiononin si të pavarura nga njëra-tjetra.

Apeli nuk u ka besuar as zotimeve të shtetit të Kosovës, me saktë nga Policia e Kosovës, se ka kapacitetet e mjaftueshmne për të ofruar siguri në mbikëqyrjen e të akuzuarve gjatë kohës së qëndrimit ntë tyre në lirim të përkohshëm.

Kjo bëhet paradoksale kur dihet fakti se kjo Gjykatë është e Kosovës, është e themeluar dhe vepron me ligjet e nxjerra nga Kuvendi i Kosovës.

Më poshtë gjeni vendimet e Apelit:

Vendimit mbi Ankesën e Hashim Thaçit Kundër Vendimit për Lirimin e Përkohshëm

Vendim mbi Ankesën e Kadri Veselit Kundër Vendimit për Lirimin e Përkohshëm

Vendimi mbi Ankesën e Jakup Krasniqit Kundër Vendimit për Lirimin e Përkohshëm

Vendimi mbi Ankesën e Rexhep Selimit kundër Vendimit për Lirimin e Përkohshëm