Procesi drejt përfundimit, Celibashi: Komisionerët të mos vonojnë hedhjen e të dhënave në sistemin elektronik të KQZ

19:37 | 29 Prill 2021
Arditë Shkodra

Komisioneri Shtetëror i Zgjedhjeve në Shqipëri, Ilirjan Celibashi ka informuar mbi ecurinë e procesit të numërimit të votave për kandidatët.

Celibashi thotë se po vijon numërimi i votave të kandidatëve në 9 KZAZ në qytetet Tiranë, Durrës, Lezhë dhe Elbasan.

Më tej, ai i bën thirrje komisionerëve dhe numëruesve të numërojnë pa ndërprerje QV të fundit dhe të mos vonojnë hedhjen e të dhënave në sistemin elektronik të KQZ.

“Procesi i numërimit të votave për kandidatët, drejt fundit. Vijon numërimi në 9 KZAZ (Tiranë, Durrës, Lezhë & Elbasan). Komisionerët & numëruesit të vazhdojnë numërimin pa ndërprerje deri në QV-në e fundit & të mos vonojnë hedhjen e të dhënave në sistemin elektronik të KQZ”, shkruan Celibashi në twitter.