Gjashtë persona kanë përfunduar në pranga të Policisë së Kosovës pas përfshirjes në një përleshje në rrugën B në Prishtinë.

Flora Ahmeti, Policisë së Kosovës në rajonin e Prishtinës për arbresh.info tha se rasti ka ndodhur rreth orës 21:00.

“Sot rreth orës 21:00 është pranuar informata për një rrahje në progres në rrugën ” B” në Prishtinë. Me të marrë informatën policia, ka arritur në vendin e ngjarjes dhe ka arrestuar 6 persona të cilët ishin të përfshirë në rast”, është shprehur ajo.

Ahmeti, ka thënë se dy nga të arrestuarit e përfshirë në përleshje kanë pësuar lëndime trupor.

“Nga informacionet e para dyshohet që dy nga personat e shoqëruar në stacion, kanë pësuar lëndime trupore, (nga një mjet i mprehtë )dhe të njëjtit po dërgohen për trajtim mjekësor.

Ndërkohë që policia po vazhdon punën për zbardhjen e rrethanave dhe motiveve që karakterizojnë ngjarjen./arbresh.info/