Alexei Navalnyt i kërkohet ta përfundojë grevën e urisë menjëherë

14:17 | 23 Prill 2021
Arditë Shkodra

Mjekët e udhëheqësit të burgosur rus të opozitës Alexei Navalny e kanë nxitur atë që të përfundojë menjëherë grevën e tij të urisë, duke paralajmëruar se përndryshe ai mund të vdiste.

Në një deklaratë, të pestë thonë se u janë treguar rezultatet e testeve të tij mjekësore të kryera në 20 prill.

“Nëse greva e urisë vazhdon edhe për një kohë minimale, për fat të keq, ne thjesht nuk do të kemi askënd për të trajtuar së shpejti”, thonë ata.

Mijëra rusë u mblodhën të mërkurën duke kërkuar të lirohet Navalny, raporton BBC, transmeton Klan Kosova.

Më shumë se 1,000 njerëz u arrestuan në një numër qytetesh, përfshirë kryeqytetin Moskë, sipas grupit të monitorimit të Rusisë OVD-Info.

Navalny, 44, u burgos në shkurt dhe po kërkon kujdes mjekësor për dhimbje akute në shpinë dhe mpirje të këmbëve. Ai ka qenë në grevë urie për më shumë se 20 ditë.