NATO sot shprehu solidaritet të plotë me Republikën Çeke, e cila dëboi 18 diplomatë rusë dhe shprehu shqetësim të thellë për veprimet ruse në zonën Euro-Atlantike.

“Aleatët janë thellësisht të shqetësuar për veprimin destabilizues që Rusia vazhdon të ndjekë në të gjithë zonën Euro-Atlantike, duke përfshirë territorin e Aleancës dhe janë plotësisht në solidaritet me Republikën Çeke,” thuhet në deklaratën e NATO-s, transmeton portal arbresh.info

Ministri i Jashtëm çek Jakub Kulhanek informoi Këshillin e Atlantikut të Veriut (NAC) sot, të përbërë nga ambasadorët e vendeve anëtare, mbi aktivitetet e inteligjencës ruse që çuan në një shpërthim në një depo municionesh në 2014 në qytetin Çek të Vrbetice. Shpërthimi vrau dy persona dhe shkaktoi dëme të mëdha materiale.

Sipas një deklarate të NATO-s, Ministri Kulhanek konfirmoi se autoritetet Çeke kishin identifikuar dy operativë të inteligjencës ruse përgjegjës për shpërthimin dhe se të dy ishin i njëjti person që Britania po kërkonte në lidhje me sulmin në 2018 në Salisbury, Angli, kur një agjent nervor u përdor si helmues.

Republika Çeke ka dëbuar 18 diplomatë rusë dhe po shqyrton miratimin e masave të reja./arbresh.info/